O curso de escritura creativa no Centro Lustres Rivas de Riveira conta con 15 participantes

Un total de quince veciños inscribíronse no curso de escritura creativa “24 horas facendo literaruta” que se está a realizar dende hoxe no Centro Cultural Lustres Rivas de Riveira.

Promovido polo Concello a través do Servizo Municipal de Normalización, o curso está sendo impartido polo profesor Xabier López Marqués.

A iniciativa pretende aprenderlle aos asistentes –todos eles maiores de 16 anos- a escribir textos literarios, preferentemente líricos, partindo de presupostos xerais e básicos. Máis especificamente, ensínase a diferenciar un feito literario do que non o é, a como escribir dende a subxectividade e dende a obxectividade, a practicar e mellorar a competencia na escritura creativa e a potenciar o galego como lingua de prestixio literario.

As clases desenvolveranse esta semana e a próxima, de luns a xoves, de 10 a 13 horas.

Xabier López Marqués é doutor en Filoloxía Hispáinica e profesor de Lingua e Literatura Española nun instituto de secundaria. Entre a súa obra figuran Entonces aún era mañana (1979), Pensando en aquellos tiempos (1980), Borges: poesía última (1986), La poesía estridentista mexicana (1994), Polos mares das améndoas (2000), Das paisaxes esquecidas (2003), Tránsitos (2006), Chafariz ( 2014) ou O test de Kandinsky (2014) , entre outras creacións.