Curso de escritura creativa no Lustres Rivas de Riveira

O Centro Cultural Lustres Rivas vai dar cabida entre os días 7 e 17 de xullo a un curso de escritura creativa denominado “24 horas facendo literatura”.

O evento, dirixido aos veciños maiores de 16 anos, está promovido polo Concello a través do Servizo Municipal de Normalización Lingüística e será impartido polo docente Xabier López Marqués.

A iniciativa pretende aprenderlle aos asistentes a escribir textos literarios, preferentemente líricos, partindo de presupostos xerais e básicos. Máis especificamente, ensinarase a diferenciar un feito literario do que non o é, a como escribir dende a subxectividade e dende a obxectividade, a practicar e mellorar a competencia na escritura creativa e a potenciar o galego como lingua de prestixio literario.

Inscricións

Os interesados en asistir poden inscribirse no Centro Cultural Lustres Rivas ata o día 4 de xullo (teléfono 981 835 650; email normalización@riveira.com). As prazas cubriranse por orde de inscrición (20 como máximo).

As clases desenvolverase de luns a xoves, de 10 a 13 horas.

Xabier López Marqués é doutor en Filoloxía Hispáinica e profesor de Lingua e Literatura Española nun instituto de secundaria. Entre a súa obra figuran Entonces aún era mañana (1979), Pensando en aquellos tiempos (1980), Borges: poesía última (1986), La poesía estridentista mexicana (1994), Polos mares das améndoas (2000), Das paisaxes esquecidas (2003), Tránsitos (2006), Chafariz ( 2014) ou O test de Kandinsky (2014) , entre outras creacións.