Riveira adxudica o contrato de subministro de 39 retretes portátiles na tempada de verán

O Concello de Riveira informa da adxudicación do subministro, mantemento e limpeza, mediante a modalidade de arrendamento, de 39 retretes químicos portátiles destinados a praias do municipio durante a tempada de verán, así como a actividades culturais e festivas.

A empresa Suministros Generales Manufacturados, S.L., foi a entidade adxudicataria, cun prezo anual ofertado de 20.500 euros, IVE incluído. Hai que recordar que segundo os novos termos do pliego de prescripcións técnicas, o contrato a formalizar recolle os anos 2014 e 2015, con posibilidade de prórroga a 2016.

Aforro

Esta modificación tiña por obxectivo incentivar as rebaixas nas ofertas presentadas, co conseguinte aforro para as arcas municipais, algo que efectivamente se logrou pois a proposta aprobada no 2013 foi de 21.175 euros.

O número total de retretes a instalar –deben ser totalmente novos- ascende a 39, dos cales 33 son do modelo denominado VIP e 6 do modelo minusválido. Un total de 35 irán destinados a areais e 4 a zonas onde se celebren actividades culturais ou festivas nas que o Concello acorde a súa colocación. A duración do contrato de aluguer é de tres meses en ambos casos.

Así mesmo, o adxudicatario comprométese a realizar labores de mantemento e limpeza por un total de 75 días de cada un dos elementos situados en zonas de praia. Así mesmo, realizarase diariamente os mesmos traballos ata un máximo de 25 días nos que estean ubicados en áreas festivas ou que acollan actividades culturais.

En canto ás praias previstas son: Coroso, Vilar, Ladeira, Touro-Fontán, Touro- Furna Valeiras, Area Secada, Ameixida, Mosqueiros-Fonteseca, Castro-Catía, Prado-Campo da Agra, Corna, Río Azor, Prado e Tasca.