Clausura dos talleres de memoria para os maiores de Riveira, Palmeira, Artes e Castiñeiras

O Auditorio Municipal de Riveira deu cabida este mediodía ao acto de clausura dos obradoiros de estimulación cognitiva (coñecidos popularmente como talleres de memoria) que se desenvolveron nas parroquias de Riveira, Artes, Castiñeiras e Palmeira.

Foron un total de 174 as persoas que participaron nestes talleres, dentro do no Programa de Dinamización para os nosos Maiores do Concello de Riveira. A eles hai que sumar outros 32 veciños asistentes aos talleres de memoria de Aguiño e Corrubedo, cuxo peche está previsto para a vindeira semana.

O acto de hoxe estivo presidido polo alcalde Manuel Ruiz e contou coas intervencións do concelleiro de Servizos Sociais e Promoción Social, Vicente Mariño, e da xefe de servizo Francisca Vidal. A psicóloga Nieves Sobrido, tamén presente no acto, foi quen impartiu os talleres.

Ruiz Rivas ensalzou o bo labor dos nosos maiores antes de proceder coa entrega de diplomas.