Adaptación da certificación PEFC ao territorio e ás empresas forestais en Galiforest
O III Monográfico Forestal Internacional para o Sur de Europa, Galiforest 2014, o cal se celebra ata mañá no Centro de Formación e Experimentación Agroforestal de Sergude (Boqueixón), acolleu esta mañá a xornada “Certificación PEFC: Adaptación ao territorio e ás empresas forestais”
A xornada, organizada polo sistema de certificación forestal PEFC España, foi introducida polo subdirector xeral de Recursos Forestais da Consellería do Medio Rural e do Mar, Federico Sánchez Rodríguez, e por Antonio de María Angulo, presidente de PEFC Galicia. A continuación Arantza Pérez Oleaga, responsable de xestión forestal sustentable e estándares, informou sobre as novidades no sistema PEFC 2014 e na norma de xestión forestal sustentable; e Marta Salvador, directora técnica de PEFC España, debullou a cadea de custodia PEFC e a lexislación da EUTR (Regulamento da Madeira da Unión Europea).