V Seminario sobre a Memoria con presenza de ex-guerrilleiros e familiares

O V Seminario sobre a Memoria, “Asociacionismo mariñeiro, represión franquista e resistencia democrática” celebrarase en diferentes lugares dos concellos de Rianxo, Noia, Porto do Son, Oroso, Mesía e Curtis os días 30 e 31 de maio, e 1 de xuño de 2014. O Seminario contempla sesións teóricas e traballo de campo, e contará coa presenza de ex-guerrilleiros e de familiares de guerrilleiros.

Dadas as características do Seminario, as prazas son limitadas. Trátase dunha actividade recoñecida con 20 h. de formación (proceso de recoñecemento en trámite). O programa completo pode localizarse en: http://www.nova-escola-galega.org/almacen/documentos/Memoria_2014_Programa_definitivo.pdf