O triángulo de emprego do Porriño presenta como unha saída laboral o autoempleo

O Triángulo de Emprego inicia mañá a súa terceira e última fase. Logo de dedicar o mes de marzo á formación e o de abril ao emprego, a Concejalía de Emprego e Formación que dirixe M. Alejandro Lorenzo programou para este mes de maio diversas conferencias centradas no autoempleo e a figura do emprendedor. Deste xeito, todos os martes e xoves, en horario de mañá, o Multicentro de Torneiros acollerá relatorios de directivos e técnicos especializados que falarán, entre outras cuestións, dos trámites de alta e as obrigacións fiscais e legais do emprendedor, os microcréditos a autónomos e pemes, as bonificaciones e subvencións ás que poder acollerse e da internacionalización das empresas.

Desde o Concello valoran moi positivamente o programa previsto “a través do cal persoas desempleadas e tamén estudantes poderán considerar a opción do autoempleo como unha saída laboral de futuro”, explica o alcalde Nelson Santos. Para iso, responsables de entidades públicas e privadas expoñerán as directrices a seguir á hora de poñer en marcha un proxecto empresarial. Deste xeito, a primeira das xornadas que terá lugar mañá martes, a partir das 10.00 horas, estará composta por catro relatorios das empresas Mk Emoción e Atendo, do IGAPE e da Asociación de Novos Empresarios de Vigo.

Ademais de conferencias tamén se celebrarán talleres para a adquisición de coñecementos e posta en práctica da cultura emprendedora.