O auditorio de Riveira será escenario dun espectáculo musical para bebés

Este domingo 18 de maio, ás 12 do mediodía, vai ter lugar no Auditorio de Riveira un espectáculo musical dirixido especialmente aos bebés de 0 a 3 anos e as súas familias. O seu título, “Arrolos de Salitre”.

Trátase dunha acción promovida pola Secretaría Xeral de Política Lingüística da Xunta en colaboración coa Concellería de Educación. Os músicos Xabier Díaz e Guillerme Fernández interpretarán “Arrolos de salitre”, unha compilación de once cantigas de berce tradicionais e novas composicións para meniños e meniñas, ao son da guitarra e do acordeón.

Desenvolverase no primeiro andar da citada instalación municipal e está prevista a asistencia de cerca dun centenar de asistentes, inscritos con anterioridade no transcurso da exitosa Feira da Educación.