Imputan un delito de incendio forestal a un veciño de Cualedro
A Guardia Civil de Verín (Ourense) imputou a un mozo veciño do municipio ourensano de Cualedro como presunto autor dun delito de incendio forestal por imprudencia grave.
Segundo informou este martes o Instituto Armado, ás 16,00 horas do luns 26 de maio foi imputado J.J.F., de 33 anos de idade e veciño de Cualedro, como presunto autor dun delito de incendio forestal por imprudencia grave.
A imputación produciuse tras ter coñecemento de que o imputado realizou unha queima agrícola malia carecer de autorización nunha paraxe denominada Naval Novo, en Cualedro, que orixinou un incendio forestal que afectou a 0,45 hectáreas de monte raso.
As dilixencias instruídas en relación con estes feitos foron remitidas ao Xulgado de Instrución Número 1 de Verín.