Gran éxito de público nos “Sábados de libro” na biblioteca de Riveira coa contacontos Larraitz Urruzola
A actuación da contacontos Larraitz Urruzola na Biblioteca de Riveira resultou o pasado sábado ao mediodía un gran éxito de público, cun nutridísimo número de nenos e nenas que congregaron en compañía dos seus pais na instalación municipal para asistir ao novo espectáculo da actriz, titulado Babamor.
Utilizando ferramentas da narración oral tradicional, a actriz plantexou un xogo no que a través da creación de atmósferas poéticas contribúe á iniciación dos pequenos no mundo dos contos.
A iniciativa, promovida pola concellería de Educación (a edil Maricarmen Vizcaya estaba presente no espectáculo), está incardinada no ciclo Sábados de Libro na Biblioteca que pretenden fomentar o uso deste servizo municipal, principalmente entre os máis pequenos.
Ao ser día festivo o vindeiro sábado non haberá contacontos na biblioteca. A vindeira actuación terá lugar o 24 de maio e correrá a cargo de Marisa Irimia, quen ofrecerá o espectáculo “Contos de marmeleiro, anís e limón”. Será coma sempre ás 12 do mediodía.