Concerto de Cantata Vernácula en Noia dentro do Mes das Letras Galegas
O sábado 17 de maio, ás 22.30 h., o Liceo de Noia acollerá o concerto de Cantata Vernácula dentro da programación local do Mes das Letras Galegas. A entrada será de balde (só socios) e o aforo limitado.
Cantata Vernácula son Suso Vaamonde e Xoán Porto. Este dúo, creado no ano 2009, pretende, ante todo, divertir a calquera tipo de público, por medio do acordeón, a zanfona e a voz.
O seu programa está integrado tanto por temas populares galegos, como por temas propios, todos eles arranxados polo dúo cunha estética actual.
Entre bromas, anécdotas e explicacións, este dúo consegue achegar o noso folclore a tódolos públicos dun xeito orixinal, ameno e divertido.