Alumnos de Aceesca e do Ceip Fernández López participan no Porriño nun taller de cómic

Taller de cómic

Un grupo de usuarios de Aceesca e de escolares do CEIP Fernández López participaron esta semana dun taller de cómic. A Biblioteca municipal de Porriño acolleu esta actividade de integración, organizada pola Concellaría de Cultura, que dirixe Teresa Veloso, con motivo da celebración do Día das Letras Galegas.

Os participantes puideron crear guións baseados en historias cotiás profundando en valores como as relacións humanas saudables e o respecto na convivencia, así como en aspectos como a creatividade e a imaxinación, será o que faga.

Durante a sesión, impartida polo ilustrador, humorista gráfico e profesor de inglés Xosé Tomás, tratouse de achegar un medio tan complexo e aglutinador como é o cómic a través da implicación persoal. Desta maneira, abordouse a creación de personaxes e as técnicas para facelo, así como os códigos dos cómics: as viñetas, as elipsis narrativas, a montaxe de páxinas e os planos cinematográficos. Ademais, recorreuse á ejemplificación con obras destacadas desde diversos puntos de vista: temáticas como a vida familiar, o respecto ao medio ambiente, a resolución de conflitos, etc.