O Triángulo de Emprego do Porriño continúa a súa andaina con novos relatorios

Tras o receso de Semana Santa, o Triángulo de Emprego do Concello de Porriño continúa mañá martes o seu programa habitual de conferencias no Multicentro de Torneiros.

Nesta xornada, que dará comezo ás 10.00 horas, haberá seis relatorios. Cristina Cid e Mª Dolores Valiñas, de Academia Postal 3, orientarán aos asistentes sobre oposicións. Luís Barros, xerente de Atendo, falará das oportunidades de emprego na atención a persoas maiores. Jana Ruíz, docente de Master D, tratará a orientación na procura de emprego, do mesmo xeito que tamén o farán  María Pérez e Rebeca Vales, da empresa de traballo temporal Adecco. Luís Prados, director de RR. HH. de Star Servizos, presentará a empresa, o mesmo que fará Víctor Pardavila, responsable de RR. HH. de Mascato Salvaterra, que falará ademais dos perfís que demandan.