O Porriño albergará un torneo solidario de baloncesto en cadeira de rodas

Presentación do Torneo 3×3 Solidario

Si onte se presentaba o I Torneo de Fútbol Indoor Concello do Porriño esta mañá facíase o propio con outro evento que amplía a oferta deportiva para estes días festivos na vila do Louro. O alcalde Nelson Santos; o concelleiro de Deportes, M. Alejandro Lorenzo; o delegado provincial de Deportes da Xunta de Galicia, Daniel Benavides, e por parte do Club Deportivo Amfiv, o xogador do primeiro equipo, Chema Avendaño, e Lucía Rivas e Pablo Álvarez, adestradores das Escolas Deportivas, presentaban o I Torneo 3×3 Solidario Concello de Porriño de Baloncesto en Cadeira de Rodas que se celebrará este xoves, desde as 10.00 e até as 20.00 horas, no polideportivo municipal.

Aínda aberta a inscrición, está xa confirmada a participación de 16 equipos (de entre 4 e 6 xogadores) de diferentes categorías (minis, cadete, junior e senior) e integrados tanto por profesionais como por persoas que queren experimentar este deporte. Desde a organización, Pablo Álvarez, que é tamén árbitro e foi xogador do Porriño Baloncesto Basee, entidade colaboradora co evento, explicou que pola mañá participarán as categorías inferiores, “ensinándolles aos máis pequenos o que implica xogar nunha cadeira de rodas”, á vez que incidía en que os equipos son de xogadores en cadeira e a pé, e pola tarde será a quenda dos maiores, “que xogarán xa de maneira máis competitiva, pero sendo tamén para moitos deles unha novidade e unha experiencia moi enriquecedora, pois o que buscamos coa celebración deste torneo é que un deporte como o baloncesto en cadeira de rodas deixe de ser secundario e practíqueno persoas que nunca antes o fixesen, resultando moi divertido, pois crea adicción e é diferente”, aseguraba Álvarez.

Alcalde e concelleiro agradeceron ao Amfiv o traer este torneo a Porriño e o equipo, pola súa banda, a boa acollida e predisposición do Concello para que o evento celebrásese no “Concello do deporte”. Neste sentido, Santos convidou a acudir este xoves ao polideportivo “a gozar dunha boa exhibición desta modalidade deportiva, gran exemplo de integración social, moi gratificante tanto para a persoa que xoga como para o espectador”.

Do mesmo xeito que o I Torneo de Fútbol Indoor, este evento conta tamén cun labor solidario ao recoller alimentos que irán destinados a SOS Porriño. Para iso haberá un posto instalado no pavillón no cal todas as persoas participantes ou que acudan de público poden depositar a súa doazón.