Contacontos na feira do libro do Porriño

A cuarta edición da Feira do libro e da artesanía de Porriño, organizada pola Concellaría de Cultura que dirixe Teresa Veloso, comeza mañá xoves prolongándose até o sábado, en horario initerrumpido, de 11.00 a 20.00 horas.

Ademais da vintena de postos instalados na praza Arquitecto Antonio Palacios nos que libreiros e artesáns ofrezan os seus produtos, celebrarase, con tal motivo, un contacontos dirixido a todos o públicos pero en especial aos máis pequenos da casa. Serán os actores da compañía Atrezo Teatro os encargados da representación que se realizará ás 18.00 horas do venres e do sábado.