O Porriño garda un minuto de silencio en recordo ás vítimas do 11M

O Concello de Porriño expresa as súas condolencias ás vítimas do 11M con motivo do seu décimo aniversario. Desta maneira, o alcalde Nelson Santos, concelleiros, traballadores municipais e veciños gardaron un minuto de silencio en recordo ás vítimas dos atentados terroristas cometidos o 11 de marzo de 2004 en catro trens da rede de proximidade de Madrid. “Con este xesto os porriñeses queremos render a nosa particular homenaxe aos 191 falecidos e aos máis de 1800 feridos e tamén ás súas familias, aos que desde aquí enviamos unha mensaxe de alento e apoio”, sinalaba o rexedor local ante os presentes ás 12.00 horas de hoxe na praza Arquitecto Antonio Palacios.

O minuto de silencio finalizou cun aplauso en recoñecemento a todas as vítimas desta traxedia, o maior atentado terrorista da historia de España.