Adxudícase o subministro de madeira tratada para ampliar a rede de pasarelas da praia da Catía

O Concello de Riveira informa de que foi adxudicada a subministración da madeira tratada necesaria para a ampliación do sistema de pasarelas da praia da Catía: unha actuación que implicará a prolongación  desta rede en 475 metros repartidos en dous tramos, incidindo nas parroquias de Aguiño e Castiñeiras.

A empresa adxudicataria do subministro resultou Comercial Mallo Area, S.L., por un prezo de 58.234,73 euros, IVE incluído.

Está previsto que os alumnos de carpintería do obradoiro de emprego Tahúme dean comezo aos traballos de instalación das pasarelas na primeira semana de abril.

De acordo co proxecto técnico elaborado polos servizos municipais, un primeiro tramo partirá da desembocadura do río Listres e unirá as praias de Catía e Castro ao longo de 300 metros. A maiores, nesta área de actuación situaranse cinco bancos de madeira e un lavapés de praia. Tamén se instalarán dous pasarelas de madeira transversais de aproximadamente 6 metros de longo cada unha co fin de facilitar o acceso ao areal.

Carreiro

A segunda zona está delimitada nas inmediacións da zona do Carreiro, no tramo final da Catía. Neste punto, instalaranse outros 175 metros de pasarela.

As pasarelas estarán formadas por táboas de madeira laminada de piñeiro, con ranurado autodeslizante e que estarán tratadas en autoclave. As súas dimensións serán de 200 centímetros de longo por 18 centímetros de longo e 5,5 centímetros de espesor. Estarán colocadas sobre apoios de piñeiro de 20 centímetros de diámetro e rastreles de 250x20x7,5 centímetros. A tornillería será de aceiro inoxidable.