Ábrese a inscrición para participar nas clases de pádel no novo Centro de Raqueta Santa Uxía

A Concellería de Deportes de Riveira informa da apertura do período de inscrición para participar nos cursos de pádel que van ter lugar a partir do mes de abril no novo Centro de Deportes de Raqueta Santa Uxía.

Estes cursos de iniciación e perfeccionamento están destinados tanto a nenos como a adultos. Os interesados poderán inscribirse no complexo polideportivo da Fieiteira (número de teléfono 981 873 646).

Os horarios dos cursos para nenos son os seguintes: grupo 1 (nenos nacidos entre 2006 e 2002): luns e mércores, de 18 a 19 horas; grupo 2 (nacidos entre 2001 e 1998): martes e xoves de 18 a 19 horas.

No caso das clases de adultos, os interesados deben indicar no momento da inscrición a súa preferencia horaria. Os horarios definitivos serán confeccionados en función dos datos recibidos.

O prezo das clases de adultos serán de 35 euros ao mes, mentres que as dos nenos e nenas terá un custo mensual de 8,24 euros