Porremprego programa 29 accións formativas para o primeiro trimestre de 2014

Xestión de calidade, Protocolo e Prevención de Riscos Laborais (na especialidade de Electricidade e Fontanaría) son o catro últimos cursos que se iniciaron esta semana no Multicentro de Torneiros e que se enmarcan no programa de accións formativas organizado polo Concello de Porriño para o primeiro trimestre deste 2014. “Os cursos que se imparten responden sempre a unha demanda real localizada no mercado de traballo, polo que o obxectivo é formar aos usuarios da Bolsa naquelas materias que teñan prospección de futuro”, explica o alcalde Nelson Santos. A formación é un dos alicerces fundamentais no mercado de traballo, así “nun mercado cada vez máis competitivo a preparación e os coñecementos do candidato require cada vez máis valor á hora da inserción laboral, por iso é polo que desde Porremprego organicemos cursos que formen aos usuarios da Bolsa de emprego naquelas materias máis demandadas polas empresas, en sectores e materias moi específicas”, puntualiza M. Alejandro Lorenzo, concelleiro de Emprego e Formación, referíndose a que “todos estes cursos do Plan Porremprégate están dirixidos á especialización do usuario dentro do sector no que este xa ten unha experiencia contrastada, así por exemplo a unha persoa con experiencia e coñecementos en hostalaría incluiríalla nos cursos de cata de viños ou de coctelería”. Desta maneira, enmarcados nun sector determinado celébranse cursos atendendo a diversas destrezas.

Para o tres primeiros meses do ano programáronse un total de 29 cursos do Plan Porremprégate incluído na apartada Aula Concello, é dicir, aqueles que son financiados integramente pola Administración local. Até o momento xa se realizaron oito: Electrónica industrial, Cociña, Manipulador de alimentos, Camareiro, Camareiro de pisos, Contabilidade, Mozo de almacén e Caixeiro/reponedor. Ademais do catro cursos mencionados ao comezo, están a desenvolverse outro catro que deron comezo en xaneiro: Animación sociocultural, Robótica Industrial, Coctelería e Fiscalidade; e ao longo do mes de febreiro iniciaranse accións formativas de: Enerxías eólicas e fotovoltaicas, Cata de viños, Vendedor técnico, Facturaplus, Análise e xestión de custos e Recepcionista de hotel; e a partir de marzo realizaranse os cursos de: Prevención de Riscos Laborais (Restauración); Tesouraría; Inglés en hostalaría; Nómina e nominaplus; A3 Sotware; Sistema Rede, Delta e contrat\<sent\> e Contaplus. “Unha oferta esta que se verá incrementada a medida que vaiamos confirmando novos cursos como os AFD da Xunta e outros financiados tanto polo Executivo Autonómico como pola Deputación de Pontevedra”, sinala Lorenzo. Neste sentido, o edil incide no importante investimento que se está facendo desde o Concello en materia de emprego e formación, “a cal foi a máxima prioridade do Goberno local neste últimos catro anos”. Así mesmo, o alcalde incide na importancia do emprego e a formación “e por iso son nestes apartados nos que realizamos un maior investimento, pois a día de hoxe o que demandan os veciños son postos de traballos, por iso é polo que poñamos todos os nosos esforzos na consecución e o fomento do emprego”.

Cunha media de entre 15 e 20 alumnos por curso, serán máis de 500 as persoas desempregadas, veciñas de Porriño, as que se beneficien destas accións do programa Aula Concello, “coa finalidade de que melloren e adquiran novos coñecementos para afrontar con maior competitividade a súa inserción no mercado de traballo”, subliña Santos.

Este primeiro bloque de cursos financiados polo Concello irase completando con outros que se irán programando ao longo de todo o ano, cubrindo así o calendario de 2014. O Multicentro de Torneiros será o lugar no que se desenvolvan todas estas accións formativas onde se dispón dos recursos técnicos e humanos necesarios.