O concello de Riveira ampliará o sistema de pasarelas de madeira da praia da Catía

O Concello de Riveira ten intención de ampliar o sistema de pasarelas da praia da Catía con dous novos tramos que sumarán un total de 475 metros. Esta actuación súmase ás executadas con anterioridade e permitirá completar un paseo peonil de 2 kilómetros de lonxitude entre as parroquias de Aguiño e Castiñeiras.

Os alumnos de carpintería do obradoiro de emprego Tahúme serán os encargados de materializar esta acción, para cuxa posta en práctica nestes momentos está en tramitación administrativa a subministración da madeira tratada necesaria, por un importe de 64.818,07 euros.

De acordo co proxecto técnico elaborado polos servizos municipais, un primeiro tramo partirá da desembocadura do río Listres e unirá as praias de Catía e Castro ao longo de 300 metros. A maiores, nesta área de actuación situaranse cinco bancos de madeira e un lavapés de praia. Tamén se instalarán dous pasarelas de madeira transversais de aproximadamente 6 metros de longo cada unha co fin de facilitar o acceso ao areal.

Carreiro

A segunda zona está delimitada nas inmediacións da zona do Carreiro, no tramo final da Catía. Neste punto, instalaranse outros 175 metros de pasarela.

As pasarelas estarán formadas por táboas de madeira laminada de piñeiro, con ranurado autodeslizante e que estarán tratadas en autoclave. As súas dimensións serán de 200 centímetros de longo por 18 centímetros de longo e 5,5 centímetros de espesor. Estarán colocadas sobre apoios de piñeiro de 20 centímetros de diámetro e rastreles de 250x20x7,5 centímetros. A tornillería será de aceiro inoxidable.

O prazo de actuación son dous meses.