Calvo explica as liñas mestras do novo plan provincial extraordinario DTC93 en Sada
Nese encontro, Calvo anunciou que a institución provincial colaborará coa achega de 165.364,14 euros nas obras coas que se mellorarán as condicións de evacuación, accesibilidade e atención á cidadanía do edificio de servizos administrativos da Casa do Concello. Con esta axuda, a Deputación asumira o 80% do custe total deste proxecto.
Ademais do anuncio, os dous mandatarios repasaron o resultado da colaboración entre o municipio e a provincia. Neste senso, Diego Calvo lembrou que, desde o ano 2012, a Deputación colaborou co municipio con axudas de máis de 1.770.000 euros tanto a través de subvencións como dos plans provinciais con criterios de reparto obxectivo.
É o caso do plan extraordinario DTC93, grazas ao cal Sada contará cunha achega de 168.121,82 euros. Será o concello o que decida onde destinar esta axuda, xa que este plan, dotado en toda a provincia con 18 millóns de euros, “é o máis flexible de todos os que existen nas deputacións galegas” tal como explicou Calvo.
“O obxectivo do DTC93 é colaborar no financiamento de investimentos e gastos máis urxentes dos nosos concellos. É dicir, queremos dar unha solución para cada un dos 93 diferentes problemas que teñen nestes momentos os municipios”, asegurou.
Ademais destas cantidades, o Concello de Sada, polo feito de ter delegado na institución provincial a xestión e recadación de moitos dos seus tributos municipais, beneficiouse no ano 2013 de anticipos líquidos de máis de 3,6 millóns de euros, á falta de recibir a liquidación definitiva do exercicio neste mesmo mes de xaneiro.
Antes de rematar o encontro, Calvo e Anido mostráronse moi satisfeitos do próximo paso de La Vuelta 2014 por Sada. Ambos mandatarios coincidiron en valorar moi positivamente a repercusión que este importante evento deportivo terá no municipio. “A promoción turística que se consegue dunha determinada zona co paso de La Vuelta é practicamente imposible de asumir de calquera outra forma”, explicou o presidente