María Teresa Domínguez e José Andrés Rivas, distinguidos como mellores praceiros dos mercados de Riveira e Palmeira

Praceiros premiados

No día de onte tivo lugar na cidade da Coruña o acto de recoñecemento aos mellores praceiros dos distintos mercados municipais da Comunidade Autónoma de Galicia.

Entre eles, foron distinguidos María Teresa Domínguez Caamaño, como mellor praceira de Riveira; e José Andrés Rivas Guillán, polo mercado de Palmeira.

Hai que recordar que os propios usuarios e clientes foron os que seleccionaron aos seus praceiros favoritos, depositando os seus votos nunhas urnas instaladas ao efecto en cada un dos enclaves.

O concelleiro local de Consumo, Vicente Mariño, estivo presente no acto de onte, que se celebrou no mercado herculino de San Agustín e contou coa participación da conselleira de Medio Rural e do Mar, Rosa Quintana; e da delegada territorial da Xunta, Belén do Campo.