Protección Civil de Riveira coordinou un simulacro de incendio no CEIP de Frións

Simulacro no centro educativo

Protección Civil de Riveira coordinou un simulacro de incendio  no CEIP de Frións, co fin de comprobar o plan de autoprotección deste centro, ademais de adestrar ao persoal.

A acción, desenvolvida o pasado mércores, serviu ademais para adestrar ao persoal  tanto do colexio como  exterior con implicación neste tipo de sinistros (protección civil, policía nacional, policía local e bombeiros), comprobar a capacidade de resposta dos medios que interveñen e observar os erros que se puidesen comoeter para posteriormente emendalos e incluílos no plan de autoprotección.

Partindo da aparición no centro dun suposto incendio, o exercicio constou da evacuación total e correcta do edificio, o control dos usuarios e persoal desaloxado no exterior, e a valoración dos tempos de evacuación e de resposta de medios externos.