Curso de Organización e xestión de servizos de información de interese para a mocidade no Espazo Xove de NOIA

A Dirección Xeral de Xuventude e Voluntariado convoca un curso de Organización e xestión de servizos de información de interese para a mocidade no Espazo Xove de Noia,  dentro do Plan de Formación para a Rede Galega de Información e Documentación Xuvenil 2013.

Destinatarios/as: Persoal da Rede Galega de Información Xuvenil, mocidade de 18 a 30 anos en posesión do carné xove e outras persoas interesadas no tema.

Criterios de selección: a selección virá dada pola orde de presentación de solicitudes, tendo prioridade na admisión o Persoal da Rede Galega de Información Xuvenil e mocidade de 18 a 30 anos en posesión do carné xove.

Número de horas: 140

Nº de prazas: 25

Contidos:

1. Análise da realidade xuvenil en distintos ámbitos.
2. Aplicación de estratexias e contidos das políticas de xuventude.
3. Organización de servizos de información xuvenil.
4. Xestión de servizos de información xuvenil.
5. Procesos de innovación informativa

1. Aplicación dos fundamentos da información xuvenil.
2. Análise de procedementos aplicables ao proceso de información xuvenil.
3. Estruturación do proceso de información xuvenil.
4. Aplicación de recursos específicos da información xuvenil.

Metodoloxía: O curso será impartido en modalidade semipresencial.

Datas de realización: do 17 de xuño ao 16 de setembro de 2013.

Xornadas presenciais: terán lugar no Espazo Xove da Casa da Xuventude de Noia. A asistencia á sesión presencial do curso é obrigatoria.

• Sesión presencial: 17 de xuño de 11.00 a 12.30 horas.
• Exame final presencial: 16 de setembro de 12.00 a 13.00 horas.

Prazo e lugar de inscrición: O prazo de presentación de solicitudes remata  ás 14 horas do 31 de maio de 2013.