Enviar a un amigo
Opinar
Imprimir50 rapaces participarán no Campus de Fútbol Base impartido polos irmáns González
O pavillón polideportivo de A Fieiteira será escenario a partir de hoxe á tarde da celebración do Campus de Fútbol Base organizado polo Concello e a Asociación As Miñoteiras e que será impartido polos irmáns Fran e José Ramón González Pérez.
A iniciativa, que se desenvolverá diariamente ata o 18 de abril, constará dun conxunto de actividades de tecnificación adaptadas ao perfil de asistente ao que vai dirixida: nenos e nenas con idades de 6 a 12 anos.
En total son cincuenta os rapaces inscritos, que estarán repartidos en dous grupos: un para nenos de 6 a 9 anos que se celebrará en horario de 18.30 a 20 horas; e outro para nenos de 10 a 12 anos en horario de 20 a 21.30 horas.
Depor-Málaga
O campus nunha pista de fútbol-indoor aproveitando que o municipio vai dispoñer desta infraestrutura para o duelo que vai ter lugar este venres en A Fieiteira entre o Deportivo de A Coruña e o Málaga, partido que forma parte da Liga Fertiberia de Fútbol Indoor.
Hai que recordar que esta estrutura consta dun campo de céspede artificial de 20×40 metros rodeado de vallas e cunha portería cunhas dimensións parecidas ás de fútbol 7.
As entradas para o encontro, que dará comezo ás 20.45 horas, custan 5 euros e están a venta na oficina de Deportes situada no Complexo de A Fieiteira.
