publicidade hoxe
Publicidade
omeulibro1

O goberno de Cambre estuda con técnicos da Deputación actuacións para mellorar a seguridade viaria

PUBLICADO EN: Noticias de GaliciaCambre
A-
A+

O alcalde de Cambre, Óscar García Patiño, mantivo unha reunión esta mesma mañá con técnicos da Deputación para abordar unha serie de actuacións destinadas a mellorar a seguridade viaria. En concreto estudaron a posibilidade de instalar tres pasos de peóns na estrada provincial  DP-1702; un próximo á altura de Castrobo, e dúas nas inmediacións de Os Campóns.

Así mesmo, analizaron o cruzamento situado na Rocha, que dá acceso á actual intersección da N-550. Na actualidade, os vehículos que desexan proseguir cara a Anceis pola DP-1702 ven obrigados a atravesar o mencionado viario e unha rotonda podrí dar maior seguridade a un cruzamento no que se rexistraron varios sinistros nos últimos anos. Desta maneira, a futura rotonda permitiría  aos condutores virar en sentido inverso á marcha sen necesidade de manobrar cos seus turismos no tramo que precede ao cruzamento  o que evitará que poñan en risco as súas vidas e as do resto de condutores.

Por outra banda, acordaron realizar unha modificación na rotonda de Lema, que a pesar da recente actuación “que non garantiu a seguridade dos condutores”, segundo García Patiño. Os técnicos comprometéronse a estudar as posibles solucións para mellorar a intersección. Ademais, o alcalde e os técnicos abordaron a problemática existente na beirarrúa da urbanización A Barcala, que linda coa estrada provincial, e na que non se pode transitar con normalidade debido a que  as raíces das árbores da mesma destruíron as súas lousas.

Nesta mesma liña, trataron a poda das árbores da estrada da Estación e unha posible canalización no mesmo viario que evite as frecuentes inundacións que se xeran na súa cota máis baixa en época de choivas. García Patiño agradeceu a disposición do ente provincial para solucionar os problemas de seguridade viaria detectados e a total colaboración mostrada polo presidente da Deputación para levar a cabo proxectos co municipio.

21 de outubro de 2015 | 20:02 • Sen comentarios

Comentarios pechados.