publicidade hoxe
Publicidade
omeulibro1

Cepeda celebra as súas festas en honra a San Pedro

PUBLICADO EN: Noticias de GaliciaPazos de Borbén
A-
A+

A Parroquia de Cepeda, no Concello de Pazos de Borbén, celebra este fin de semana as súas festas patronais en honra a San Pedro. Os festexos concéntranse nunha única xornada na que destacan as clásicas procesións nas que se engalana o santo co tradicional “milleiro”.Todas as celebracións contan cunha zona de aparcadoiro habilitada para facilitar o acceso á celebración a todos os veciños e visitantes.

Os actos comezarán o sábado ao mediodía, ao redor das 12:30 horas, cando se celebrará unha misa solemne en honra ao patrón parroquial. A continuación terá lugar a primeira das procesións na que os veciños, acompañados polo grupo de baile Nosa Terra de Pereiras, sacarán aos tres santos da igrexa, adornados coa planta do millo, a percorrer a parroquia. Ao finalizar a procesión os membros do grupo deleitarán aos asistentes cunha demostración de baile tradicional.

Pola noite terá lugar a gran verbena que contará coa animación musical dos grupos Limón e Ángel América. Entre os diferentes postos da celebración haberá un bar instalado pola comisión de festas no que, ao redor da medianoite, realizarase un sorteo de produtos populares.

24 de xuño de 2015 | 17:39 • Sen comentarios

Comentarios pechados.