Centos de veciños de Pazos de Borbén participan na Romaría polo Santo Aparecido

Romaría polo Santo Aparecido

Un ano máis, e xa son 31, os veciños de Pazos de Borbén déronse cita no miradoiro do Monte da Berra para celebrar a tradicional romaría do Santo Aparecido. Chegados de toda a comarca en coche, dacabalo ou a pé, máis de 800 romeus gozaron dunha xornada festiva chea de actividades para todas as idades e na que non faltaron a clásica comida de irmandade nin a gran sardiñada ofrecida aos visitantes.

O gran ambiente romeu foi a tónica dominante durante toda a xornada. A charanga Vai de Baile foi a encargada de espertar o espírito festivo dos veciños cos seus tradicional pasacalles, animándoos cos seus temas populares a unirse á romaría. Ao redor das 13:00 horas oficiouse a clásica misa campestre, á que seguiu unha nova actuación da charanga.

A continuación celebrouse a comida de irmandade, un dos momentos álxidos da festa. Un fervedoiro de xente que fala, baila, canta, ri e en resumidas contas, goza o ambiente romeu en toda a súa magnitude. Para moitos deles é “unha ocasión única para reunir a todos os seus amigos e familiares”, como afirma Rocío, unha romeira fiel veciña que afirma “non me perdo esta romaría desde fai 15 anos”.

Pouco despois comezaron os xogos populares para todos os públicos,carreiras de sacos para nenos e adultos, xogos, sorteos e moita diversión. Unha dos acenos de identidade dunha celebración marcada polo seu carácter familiar. A media tarde, o fume das primeiras brasas anunciaba a quenda da clásica sardiñada popular. Decenas de sardiñas corrían de man en man sobre pan de millo e acompañadas polas clásicas “cuncas” de viño. Todo gratis, como é tradicional, un presente da organización e o Concello de Pazos de Borbén a todos os asistentes.

O Trío Orquídia tomo a substitución nese momento ao cargo da animación musical. Co seu amplo repertorio de temas populares e modernos acompañaron aos romeus o resto da celebración. Como colofón ao excelente espírito festivo que reinou durante toda a xornada, a chegada da medianoite recibiuse cun excelente vaso de chocolate quente e unha ración de roscón. O que podería ser para moitos o clásico sinal de irse á cama, supuxo para os romeus un extra de enerxía para que a festa continuase até entrada a madrugada.