O alcalde de Sober entrega os premios do concurso de selfies da Feira do Viño de Amandi
O alcalde de Sober, Luis Fernández Guitián, fixo hoxe entrega dos premios do concurso de selfies celebrado durante a XXXV Feira do Viño de Amandi. O grupo gañador levou 20 botellas das adegas participantes na Feira e cinco grupos de mozos e mozas máis levaron tres botellas das adegas premiadas na cata deste ano: As Muras, Cividade e Guímaro. Todos e todas as premiadas selaron o acto cun novo selfie.