Melide homexea ao profesor Xaquín Yebra
Melide acollerá unha serie de actos en lembranza do profesor do IES Melide, Xaquín Yebra-Pimentel Rodríguez, falecido este verán pasado. Os actos terán lugar este próximo sábado, 25 de outubro, a partir das 11 da mañá, nas instalacións do IES Melide.
O programa, que comezará ás 11.00 h., incluirá a plantación dunha “árbore para Xaquín” ao que seguirá un acto de imposición do nome de “Biblioteca Xaquín Yebra” á biblioteca do IES Melide ao que continuará un recital de textos e interpretacións musicais a cargo de alumnado, familiares e compañeiros.
De seguido, proxectarase un vídeo-homenaxe a Xaquín que continuará cun coloquio “Lembrando a Xaquín”. Os actos finalizarán cun xantar de confraternidade.