Un traballador foi evacuado tras caerlle encima unha peza dunha máquina en Xove
Os servizos sanitarios de Urxencias Médicas 061 evacuaron a un traballador da construción que resultou ferido tras caerlle encima unha peza dunha góndola coa que traballaba.
Segundo informou o CAE 112 Galicia, o suceso ocorreu ás 19,27 horas da tarde do xoves no lugar de Lago, no termo municipal de Xove.
Ademais dos servizos de urxencias médicas, ata o lugar desprazouse a Garda Civil e efectivos do Grupo de Emerxencias Supramunicipais de Cervo que, aínda que non foi necesario excarcerar ao afectado, encargáronse da limpeza dos restos de combustible.