Un ferido grave en Cabana por un accidente cunha máquina agrícola

Un mozo resultou ferido grave na mañá deste mércores no concello coruñés de Cabana de Bergantiños tras sufrir un accidente cunha máquina agrícola. Segundo informou a Central de Atención a Emerxencias, o suceso aconteceu sobre as 11.30 horas nun terreo situado na parroquia de Anós. O mozo estaba a retirar codia das árbores cunha máquina especial para esta actividade cando sufriu un accidente que o provocou lesións graves nunha perna.

Ata o lugar mobilizáronse efectivos do GES de Ponteceso, Protección Civil e Garda Civil, así como o helicóptero medicalizado do 061 con base en Santiago, que trasladou ao ferido ao Hospital Clínico de Santiago (CHUS).