O Curso de Formación en Micoloxía Aplicada de Lousame finaliza cunha saída ao monte
Un total de 35 persoas, procedentes de distintos municipios da comarca, participaron no Curso de Formación en Micoloxía Aplicada, organizado polo Concello de Lousame e Hifas da Terra. Tras dúas sesións teóricas de introdución á micoloxía e á micorrización, a bióloga María Monteagudo guiou ao alumnado polos montes de Lousame para unha sesión sobre micorrización no monte e ensinoulles varias receitas para cociñar os cogomelos.