publicidade hoxe

A Policía Autonómica esclarece un incendio en San Amaro

PUBLICADO EN: Noticias de GaliciaLocal PortadaSan Amaro
A-
A+

Axentes da Xefatura da Policía Autonómica de Ourense veñen de esclarecer un incendio producido no concello de San Amaro o pasado 15 de maio. Tramítanse dilixencias como investigado contra un veciño do propio municipio, como presunto autor do lume, que se iniciou ás 17.20 horas no lugar de Anllo.

O incendio produciuse polo escape dunha queima que o investigado realizou nunha finca. Non se tomaron todas as medidas de seguridade necesarias e as lapas se propagaron, o que provocou que arderan 0,07 hectáreas de monte raso.

As dilixencias foron remitidas ao Xulgado de Instrución de Garda do Carballiño. No que vai de ano a Policía Autonómica leva investigada, un total de 23 persoas como presuntas autoras de incendios forestais.

23 de maio de 2018 | 19:06 • Sen comentarios

Comentarios pechados.