Alfonso Rueda participa nun coloquio con empresarios no Club Financeiro da Coruña
O vicepresidente da Xunta, Alfonso Rueda, participou hoxe nun almorzo-coloquio no Club Financeiro onde gabou o labor dos empresarios galegos e animounos a seguir sumando esforzos entre todos, como creadores de riqueza tanto a nivel económico, empresarial e social.
Así o salientou hoxe durante un coloquio na Coruña con empresarios de diversos sectores, onde expuxo as principais liñas de actuación do seu departamento e realizou un repaso polas actuacións levadas a cabo nestes últimos anos. Indicou que o obxectivo de todos ten que ser seguir traballando agora que se albisca a recuperación económica, cunha Administración máis útil, de maior calidade, máis eficaz e que ofreza mellores servizos, tanto á cidadanía como ás empresas.