A Deputación de Pontevedra mostra o seu pesar polo naufraxio do Nuevo Marcos

A presidenta da Deputación, Carmela Silva, expresou hoxe a súa dor e as condolencias da institución provincial tras coñecer o naufraxio do pesqueiro Nuevo Marcos, que tiña base en Combarro. Silva chamou á primeira hora da mañá ao alcalde de Poio, Luciano Sobral, para coñecer de primeira man o suceso e trasladoulle ao rexedor o ofrecemento da Deputación para calquera necesidade. A presidenta transmitiulle a Sobral as súas condolencias para as familias dos tres mariñeiros falecidos.