Xa están á venda as entradas para o Rio Natura Monbus Obradoiro – Montakit Fuenlabrada

O Rio Natura Monbus Obradoiro comeza o ano visitando ao FC Barcelona Lassa e, o próximo fin de semana, volverá xogar en Sar ante toda a súa afección contra o Montakit Fuenlabrada.

Todos aqueles que non se queiran perder o que será o primeiro partido en casa do 2017 (ademais do último da primeira volta da liga Endesa) ou aqueles que aínda estean a buscar un último agasallo de Reis, xa poden comprar as súas entradas nas oficinas ou na páxina web do club.

O prezo xeral das entradas será de 19€ nos Fondos, 29€ en Tribunas 2, 39€ en Tribunas 1 e 45€ en Retráctiles. Os prezos reducidos para este partido (para menores de 18 anos, estudantes menores de 25, maiores de 65, parados de longa duración ou federados do ámbito do baloncesto) serán de 15€ en Fondos, 19€ en Tribunas 2 e 29€ en Tribunas 1. 

As entradas poderán adquirirse até o propio día de partido a través da nosa páxina web (www.obradoirocab.com), nas oficinas do club de luns a venres de 10.00 a 14.00 e de 16.00 a 20.00 horas, ou no despacho de billetes o día do partido. 

Por outra banda, continúa en marcha a Campaña de Abonos de segunda volta. Este abono inclúe de agasallo este partido ante o Montakit Fuenlabrada do domingo 15 de xaneiro, ás 18.30 horas. Inclúe todos os partidos do equipo como local na segunda volta da liga Endesa, na que pasarán por Sar o Real Madrid e o FC Barcelona Lassa por primeira vez na segunda volta da competición.