O sábado comeza un novo curso de cociña do Concello do Grove
As instalacións da Deputación na Lanzada acollen dende este sábado un curso de “aperitivos, tapas e tostas” organizado polo Concello. Este curso está dirixido a mozos e mozas a partires de 18 anos e ten un horario de cinco a sete da tarde. Deste xeito o curso desenvolverase paralelamente ao que ten lugar en horario de mañá nas mesmas instalacións e que se dirixe a rapazada de 12 a 18 anos.
Ambas actividades tiveron unha grande acollida por parte dos mozos e mozas do Grove. As inscricións para participar son xestionadas a través da Oficina Municipal da Información Xuvenil (OMIX) situada no edificio administrativo.