O Concello da Lama porá o nome de Miguel Carbajal Sobral á rúa que comunica o pavillón coa igrexa parroquial

O Concello da Lama ultima os preparativos para impor o nome de Miguel Carbajal Sobral, párroco desta freguesía desde o ano 1975 até a data da súa morte, en xaneiro de 2015, e que comunica o pavillón municipal coa igrexa parroquial. Os actos de homenaxe a este cura moi apreciado no municipio terán lugar este domingo 29 de xaneiro, unha vez concluída a tradicional misa dominical, e a eles están convidados as autoridades eclesiásticas, entre as que figura o bispo de Tui-Vigo, Monseñor Luís Quinteiro Fiuza, membros da Corporación Municipal e veciños e veciñas do municipio.

A decisión de conceder a esta rúa que une o pavillón municipal de deportes coa igrexa parroquial de San Salvador da Lama foi adoptada por unanimidade de todos os concelleiros presentes nun Pleno celebrado o pasado 30 de xaneiro de 2015 no que tamén se acordou homenaxear á súa persoa, moi vinculada co municipio “sobre todo a través dá súa inestimable colaboración para dotar de infraestruturas ao concello xa que sempre mediou entre a Igrexa e nós para poder contar con accesos axeitados para mellora-as comunicacións e ou nivel de vida dúas nosos veciños”, sinalou o alcalde Jorge Canda Martínez. 

A rúa que levará o nome de Miguel Carbajal Sobral foi obxecto, recentemente, dun proceso de humanización e mellora e está dotada de mobiliario urbano como bancos e papeleiras, así como uns xardíns e un parque infantil e comunica o acceso ao pavillón municipal de deportes coa contorna e as inmediacións da igrexa parroquial, cuestión que impulsou ao alcalde, Jorge Canda, a propor este lugar como o máis adecuado para que leve, como homenaxe póstuma a este párroco, o seu nome.

Miguel Carbajal Sobral foi cura párroco de Antas, Seixido, A Lama e Anceu e morreu o 2 de xaneiro de 2015, aos 71 anos de idade, tras non poder superar unha longa enfermidade que lle afectaba desde facía tempo.

Jorge Canda destaca o compromiso vital do sacerdote falecido non só cos valores sociais e espirituais senón tamén pola implicación persoal que durante o seu apostolado realizou cos seus veciños e lembrou que grazas á súa mediación coa Igrexa, para a cesión de parte dos terreos, facilitouse que hoxe en día o municipio da Lama dispoña de accesos adecuados en torno ao pavillón e a igrexa parroquial. 

Canda Martínez sinalou que “queda na memoria colectiva dos veciños da Lama, Antas, Seixido e Anceu, o catro parroquias que tiña ao seu cargo, o recordo dun home de grandes conviccións relixiosas e morais, moi respectuoso con todo o mundo, tolerante e disposto a sacrificarse para conseguir o ben común dos seus semellantes. Foi unha dolorosa perda porque foi un home moi comprometido coa época que lle tocou vivir”, manifestou o alcalde da Lama.