Catela: “Imos a Peñíscola confiados de facer as cousas ben”

Juanjo “Catela”

Juan José Camacho ‘Catela’ desmárcase como un dos xogadores con maior percorrido dentro do plantel branco. Con tan só 21 anos, o gaditano xa vestiu a elástica de dous equipos da mellor Liga do Mundo sendo, no Santiago Futsal, onde a súa notable presenza na pista, levoulle a formar parte dunha convocatoria da Selección Española. ‘Catela’ fala da volta ao traballo do equipo santiagués tras o parón de tres días debido á festividade de Noitevella e Aninovo “Sentáronnos moi ben as vacacións. Estamos a traballar moi ben e imos a Peñíscola confiados de facer as cousas ben e sacar algo positivo”.

Tamén quixo destacar o de Cádiz, o emocionante do empate ante Jaén no último partido do ano “Marchas do pavillón cunha alegría moi grande” pero, á súa vez, recoñeceu que non foi o mellor partido dos brancos “aínda que tamén algo amolado porque fixemos un partido malo no que non estivemos todo o ben que deberíamos”.

Das xa case habituais remontadas santiaguesas nas segunda partes con porteiro-xogador (Levante 2-2, Magna Gurpea 4-3 e Jaén P.Interior 3-3), Catela explicou “Somos un equipo que loita ata o final. Se teñen que vir os puntos nos últimos segundos, está ben. O importante é sumar”.

O sábado terán a primeira proba deste ano 2017. Visitan a pista do sexto clasificado, Peñíscola RehabMedic, equipo que aínda non acadaou a clasificación matemática para a Copa de España. O á gaditano destaca que “será un partido moi difícil. Eles están a facer as cousas moi ben e en casa están a ser fortes” pero “tal e como está a liga de igualada, é alcanzable puntuar en calquera pista”.

Por último, Juanjo ‘Catela’ sentenciou que neste novo ano espera “conseguir a salvación do equipo canto antes e que este vaia crecendo aos poucos, como o estivemos facendo ata agora”. A nivel individual “quero axudar ao equipo en todo o que poida e mellorar na faceta defensiva”.