Asime organizou a oitava Xornada TIC no ámbito da industria 4.0

Xornada TIC

A Asociación de Industriais Metalúrxicos de Galicia (ASIME) organizou esta mañá, na súa Sede unha xornada TIC que versou sobre Industrial Internet of Things (IoT)

Este evento, foi o cuarto dun ciclo de xornadas que comezou en novembro de 2015 co obxectivo de presentar as últimas solucións e avances TIC, fomentando así a Industria 4.0 no sector metalúrxico galego.

Iniciou a xornada D. Hugo Barreiro, Coordinador de Industria 4.0 en Asime, que declarou: “Desde Asime estamos a realizar un profundo labor de concienciación e capacitación defendendo que a introdución de tecnoloxías 4.0 sempre é rendible. A clave, e onde se ten que ser máis intensivo, está en achar que tecnoloxía requírese e para que proceso determinado.” Mediante o #CicloTIC estamos a lograr esa primeira prospección que necesitan as empresas.

Ademais engadiu: “Actualmente a industria máis desenvolvida tecnoloxicamente é a que ten maior cadencia de produción e os produtos máis seriados. Estas tecnoloxías permiten ser máis competitivos reducindo tempos e custos.” “Agora hai que extrapolar estes bos resultados a outro tipo de industrias.”

Na intervención de D. Iván Lalaguna, Director de Enxeñaría de Inycom, empresa especializada en Industria 4.0, arroxou luz sobre a aplicación práctica as tecnoloxías da Internet das Cousas (sensorística en proceso ou produto, captura de datos e explotación analítica). Así, os asistentes puideron descubrir como instalar sistemas de sensores que nos permitan facer máis eficientes os procesos de fabricación, incrementando a produción e reducindo custos, desde a preproducción até a postproducción (almacenamento e distribución intelixente). “Internet das cousas é a chave de como se van a desenvolven moitas cousas.” “Os sistemas inalámbricos están a evolucionar e son o futuro. Cómodos, pequenos e cada vez máis baratos e seguros”

Reflexionou sobre que: “Ás veces, parece que é máis importante que salga un email a tempo e que non falle, que o que está a pasar en produción. En oficina téñense a últimas tecnoloxía e os equipos actualizados e augas abaixo nos procesos que realmente nos xeran riqueza non.”

Da man do señor Lalaguna, na parte práctica da xornada os asistentes conectaron desde os seus computadores portátiles sensores básicos, pero dotados de intelixencia grazas á súa conexión a internet das cousas. Deste xeito tiveron a oportunidade de vivir un caso real de Internet of Things na Industria 4.0. “Estes exemplos que vimos son extrapolables e extendibles moi facilmente. Tan só teriamos que variar os sensores e modificar o software canto queiramos.”

No segundo relatorio, D. Aitor Lejárzegi, Responsable de Ciberseguridade Industrial de Inycom, presentou as mellores solucións de ciberseguridade existentes: “Hai máis de 20 millóns de dispositivos que se conectarán a Internet das Cousas en 2020. Hai uns días rexistrouse un ataque masivo que afectou a 20.000 dispositivos. Por iso empresas como Siemens están a abrir novos centros de Ciberseguridade, non é porque queiran gastar diñeiro niso, é porque é vital.”

Ademais completou: “recentemente un ciberataque deixou, durante 6 horas, 7 cidades enteiras de certo país sen electricidade. Para iso usouse un malware foi moi sofisticado nese momento, pero agora non o é. A carreira entre ciberseguridade e ciberdelicuencia é ultra veloz.”

Moi seriamente argumentou: “Na nosa contorna de traballo non se entende como non está regularizado que unha empresa non estea obrigada a publicar as súas incidencias e ataques de ciberseguridade, como ocorre coa LOPD, onde estás obrigado a reportar incidencias en 72h. Está non regularización entorpece a mellora da ciberseguridade.”

Continuarase co Ciclo TIC na segunda semana de febreiro baixo a temática “Monitorización e Control en Planta para a Mellora da Eficiencia Enerxética”. En anteriores edicións abordáronse estes topics: Robotización e robotización colaborativa, Sistemas de Xestión Industrial, Deseño Industrial, Ciberseguridade, SEO, Industrial Internet of Things, Dixitalización e Xestión Documental, Fabricación Aditiva, Automatización de procesos.