Asime celebra as XI Xornadas de dereito do traballo e da seguridade social

A Asociación de Industriais Metalúrxicos de Galicia (ASIME) celebrará mañá, mércores, 25 de xaneiro, na súa Sede de Vigo, a súa XI edición das Xornadas de dereito do traballo e da seguridade social.

Como é habitual, nestas xornadas contaremos con expertos en Dereito do traballo e da Seguridade Social que exporán temas de actualidade, entre outros, relativos ao convenio estatal do metal, plans de igualdade e protocolos de prevención do acoso e innovación e os TICS como ferramentas de vixilancia e control no ámbito empresarial.

Durante esta xornada, os empresarios terán a oportunidade de debater sobre a situación actual en materia laboral no sector, dentro das súas empresas e a nivel global,  así como coñecer de primeira man os detalles e novidades en materia de dereito do traballo, seguridade social e recursos humanos presentados por profesionais da materia.