A primeira xornada de liga da Sociedade Ximnástica será en Alcorcón

As sedes onde se celebrará o primeiro encontro de liga nesta tempada 2016/2017 foron xa confirmadas, e ambos os equipos da Sociedade Ximnástica de Pontevedra tentarán estar ao máximo do seu rendemento en Alcorcón, os días 29 e 30 de Abril.

O equipo masculino da Ximnástica, que loitará por manterse un ano máis na máxima categoría do atletismo español, a División de honra, comparte encontro con Atletismo Salamanca, Unicaja Atletismo e A.D.

Marathon; mentres que o equipo feminino enfrontarase o domingo pola mañá ao Atletismo Alcorcón, CEA Tenerife 1984, e Perceiana-Estremadura, con quen xa se viu as caras na fase de ascenso o pasado xuño en Cáceres.

O noso equipo deberá esforzarse ao máximo para obter os mellores resultados xa que isto suporía beneficios de cara ao seguinte encontro de liga.