Unha persoa ferida nunha colisión múltiple en Cabanas

Unha persoa resultou ferida nun accidente múltiple de tráfico con tres turismos implicados rexistrado no termo municipal de Cabanas (A Coruña).

Segundo informou o 112 Galicia, o sinistro rexistrouse pouco despois das 19,00 horas do martes na estrada N-651, ao seu paso pola parroquia de Laraxe.

Como consecuencia do impacto, unha persoa necesitou asistencia médica, aínda que as feridas non parecían graves, segundo indicaron as mesmas fontes.

Foi un particular o que chamou o 112 Galicia para pedir axuda. Axiña, avisouse os Bombeiros do Eume, ao GES de Mugardos, voluntarios de Cabanas, axentes de seguridade e servizos sanitarios de urxencia.

Por outra banda, un coche foise contra o quitamedos cando circulaba por a AG-11, ao seu paso polo concello coruñés de Rianxo. No interior viaxaba unha persoa que se queixaba dunha forte dor nas costas.

Así, o persoal do 112 Galicia pediu a colaboración dos servizos médicos de urxencia, ademais dos axentes da Guardia Civil de Tráfico e os Bombeiros de Boiro.

O sinistro rexistrouse ás 20,30 horas do martes. Foi un particular o que chamou ao 112 para alertar e mesmo detivo a marcha para comprobar o estado do condutor do vehículo accidentado.