Unha muller ferida en Barro ao chocar o seu vehículo contra un camión

Unha muller resultou ferida este luns na localidade pontevedresa de Barro ao chocar o seu vehículo contra un camión na PO-531, á altura de Curro, segundo informa o 112.

O alertante chamou o 112 para pedir axuda e indicou que no interior do turismo había unha muller que non parecía estar atrapada, pero si necesitaba asistencia sanitaria.

Por iso, de inmediato, o 112 alertou o persoal sanitario, aos axentes de Tráfico, aos bombeiros de O Salnés e Pontevedra e a Protección Civil.

O accidente aconteceu minutos antes das 12,00 horas e a intervención do servizo de mantemento da estrada tamén foi requirida para a limpeza da vía.