Martiño Noriega ratifica a Jorge Duarte pero retira as súas competencias en materia sancionadora

O Goberno local de Santiago de Compostela ratificou no seu cargo ao concelleiro de Espazos Cidadáns, Jorge Duarte, aínda que retirou as súas competencias en materia de concesión de licenzas e potestade sancionadora, que recaen dende este venres no concelleiro de Medio e Convivencia, Xan Duro.

Así anunciouno este venres o alcalde santiagués, Martiño Noriega, en comparecencia de prensa tras a citación da Fiscalía a Duarte a declarar o próximo 15 de febreiro en calidade de investigado -a figura que substitúe á imputación- por un suposto delito de prevaricación por trato de favor ou trato desigual a locais de ocio da capital galega.

Neste sentido, o rexedor compostelano mostrou o seu desexo de coñecer “quen iniciou” o proceso e interpuxo a denuncia contra Duarte, ao tempo que manifestado a súa “confianza na separación de poderes” do Estado. “Espero que o tempo non quite a razón”, engadiu.