Absolven a un vigués acusado de abusos sexuais á súa sobriña política menor de idade

A Sección Quinta da Audiencia Provincial de Pontevedra, con sede en Vigo, acordou a libre absolución dun home acusado de abusos sexuais continuados a unha menor, sobriña política súa, co que desestima a petición do Ministerio Fiscal e a acusación particular de que se lle impuxese a pena de oito anos e medio de prisión.

Na sentenza, contra a que cabe recurso, o Tribunal ve probado que polo menos desde 2011 producíanse frecuentes contactos entre o tío e a sobriña, que naquel momento tiña 13 anos, aínda que entende que non se acreditou que en tales ocasións fixese tocamentos libidinosos á menor”.

Así as cousas, tras valorar a proba practicada durante o xuízo, que se celebrou a finais de setembro a porta pechada, mantivo que na declaración da vítima atopa “falta de especificidade e concreción” e, aínda que “tampouco concorren en grao intenso”, apunta que “si hai algunhas” contradicións.

Desta forma, aínda que o Tribunal recoñece que “é posible e factible que se produciron abusos do seu tío político neste período” e que non parece existir “ningún motivo” para prexudicar ao seu tío, insistiu en que as dificultades apuntadas “impiden valorar o seu testemuño” e acreditar “coa debida certidumbre que se produciron abusos”.