Tres acodes afectadas ao declararse un incendio na cociña dun piso da Coruña

Tres persoas resultaron este mércores afectadas por inhalación de fume ao declararse un incendio na cociña dun piso da Coruña, segundo informa o 112. Dúas das vítimas, de avanzada idade, foron evacuadas ao Complexo Hospitalario Universitario da Coruña, mentres a terceira recibiu asistencia sanitaria no lugar dos feitos.

O lume declarouse sobre as 14,00 horas nun piso da rúa Juan Montes e un particular alertou ao 112, explicando que vía saír moito fume polo patio de luces do seu edificio.

O 112 avisou aos bombeiros da Coruña e a Urxencias Médicas, ademais de pór os feitos en coñecemento de Protección Civil e da Policía Local. O incendio empezou na campá extractora da cociña e o fume afectou a todo o domicilio.