Inícianse os preparativos da “Ourense ICC Week” 2017

O presidente da Deputación de Ourense, Manuel Baltar, reuniuse hoxe no Pazo Provincial cos coordinadores da “Semana das Industrias Culturais e Creativas de Ourense” (Ourense ICC Week), Juan Rivas e Manuel Araújo, e co asesor de Cultura da Deputación, Aurelio Gómez Villar, para ultimar os preparativos da edición de 2017, que terá lugar entre os días 2 ao 6 de maio e que converterá novamente á provincia de Ourense na capital da creatividade e das tendencias de vangarda no ámbito audiovisual.

Un ano, 2017, no que a Deputación de Ourense contará cun Plan Provincial de Turismo Creativo e Cultural, segundo anunciou o presidente do goberno provincial no pleno do Debate sobre o Estado da Provincia, “un plan que ten como finalidade contribuír a sermos máis competitivos no mapa turístico nacional”, dixo Manuel Baltar.