Dous hóspedes dun hotel trasladados tras inhalar gas procedente dunha neveira avariada en Vigo

Dous hóspedes dun hotel foron trasladados por precaución a un centro hospitalario tras inhalar gas dunha neveira nun establecemento na cidade de Vigo.

Segundo informou o CAE 112 Galicia, os feitos aconteceron despois das 00,00 horas deste mércores nun establecemento situado na Vía do Norte en Vigo.

Os bombeiros da cidade explicaron que a orixe da fuga se sitúa no serpentín dunha neveira de bebidas, que estaba picado, segundo sinalaron as mesmas fontes.

Os hóspedes do cuarto afectado foron trasladados a un hospital por unha ambulancia de Urxencias Sanitarias de Galicia-061. Os profesionais sanitarios decidiron practicarlles análise e outras probas para descartar unha posible intoxicación.

Foron os propios afectados os que puxeron en contacto co 112 Galicia en canto sentiron un forte olor a amoníaco no cuarto.

Ademais de alertar ao Centro de Atención ás Emerxencias de Galicia, informaron o persoal do hotel, que puxo os medios para arranxar a avaría. Así, os bombeiros consideraron innecesario desaloxar o establecemento.